پیتزا یەکێکە لەو خواردنانەی کە ڕۆژانە لە جیهاندا گرنگیەکی زۆری پێدەدرێت و هەوادارێکی زۆری هەیە، بەڵام دەکرێت بەبێ بوونی فڕن پیتزا ئامادەبکەیت.
پێداویستیەکان:
- چارەکە کوپێک شیری وشک
- کەوچکێکی گەورە شەکر
- دوو کەوچکی بچوک خەمیرە
- کوپێک + چارەکە کوپێک کەمتر ئاوی گەرم
- دوو کەوچکی گەورە زەیت
- 4 کوپ ئارد
- نیو کەوچکی بچوک خوێ
- 2 تەماتەی وردکراو
- 100 گرام پەنیر
- یەک دانە بیبەری وردکراو
- قارچک
- سۆسی پیتزا 6 کەوچکی گەورە
ئامادەکردنی:
- لەدەفرێکدا شەکر و ئاو و خەمیرە و زەیتەکە تێکەڵ دەکەین و بۆ ماوەی 5 خولەک وازی لێدەهێنن.
- پاشان ئارد و خوێ و شیرەکە دەکەینە سەر ئاوێتەکە و دەیشێلین تا هەویرێکی توندمان بۆ بەرهەمدێت، پاشان دەتوانیت بیکەیت بە دوو بەشەوە، وازی لێبهێنە لە جێگایەکی گەرم تا هەڵدێت.
- تاوەیەک بهێنە و کەمێک زەیتی تێبکە و هەویرەکە بکەرە ناوی و سۆسی پیتزاکەی بکەرە سەر، پاشان قارچک و بیبەر و تەماتە و پەنیرەکەی بکەرە سەر.
- ئاگرەکە کز بکە و سەری بنێرەوە بۆ ماوەی 20 خولەک، دواتر پیتزای دووەم ئامادە بکە.
- بێگومان دەکرێت بە مریشک یا گۆشت ئامادەی بکەیت بەڵام پێشتر کەمێک ئالی بکە.
Comments
Post a Comment