کێک بە ماست جۆرێکی تری کێکە و جیاوازییەکەی لە کێکی ئاسایی ئەوەیە ئەم جۆرەیان قورسترە و تامێکی خۆشتری هەیە، دەتوانیت بە مرەبا یاخود کرێم بیڕازێنیتەوە.
پێداویستیەکان:
- سێ هێلکە
- دوو کوپ و نیو ئاردی سپی
- کوپێکی شیر
- دوو کوپ ماست
- کوپێک زەیت
- کوپێک شەکری وردە
- کیسێک پیکین پاودەر
- کیسێک ڤانێلا
- چوار کەوچک گوێزی هیندی
- نیو کەوچکی بچوک خوێ
ئامادەکردنەکەی:
- سەرەتا فڕنەکە لەسەر ١٨٠م پلەی سەدی گەرم دەکەین.
- هێلکەکان لە دەفرێکی قوڵدا دەشڵەقێنین، ڤانێلا و خوێکەی تێدەکەیت و دووبارە بۆ ماوەی پێنج خولەک دەیشڵەقێنین.
- شکرەکە دەکەینە ناو هێلکەکەوە و بۆ ماوەی پێنج خولەکی تر تێکی دەدەین، شیر و زەیتی زەیتونەکەی تێکەڵ دەکەین و بەردەوام دەبین لە تێکدانی.
- پاشان ماستەکەی تێکەڵ دەکەین دەتوانین لەگەڵیدا توێکڵی پرتەقاڵ یان لیمۆی هاڕاوی تێکەڵ بکەین، دواتر ئارد و پیکین پاودەرەکەی تێکەڵ دەکەین و بە جوانی تێکی دەدەین.
- گوێزی هیندییەکەی تێکەڵ بە گیراوەکەی دەکەین و بە جوانی تێکی دەدەین تاکو کەرەستەکان بە تەواوی یەکبگرن و گیراوەیەکی کەمێک شلی لێدەربچێت.
- سینی فڕنەکە بە کەرە یان زەیت چەور دەکەین و هەویرەکەی تێدەکەین، دەیخەینە ناو فڕنەوە کە پلەی گەرمییەکەی ١٨٠ پلە بێت، بۆ ماوەی ٤٠ خولەک لەناو فڕنەکەدا بێت تا بە جوانی دەبرژێت.
- لە کۆتاییدا بە کارێم یان مرەبا دەیڕازێنینەوە و کەمێک گوێزی هیندی بەسەردا دەکەین و پێشکەشی دەکەین.
Comments
Post a Comment