لوقمەقازی

پێداویستییەکان:

• دو کوپ ئارد
• کەوچکێک شەکر
• کەوچکێک نیشاستە
• کەوچکێک خومرە
• ڤانێلا یەک کەوچکی بچوک
• کوپ و نیوێک ئاوی گەرم
• خوێ کەمێک
• کوپێک زەیت

پێکهاتەکانی شیلە:

• دو پەرداخ شەکر
• یەک پەرداخ ئاو
• یەک کەوچکی چا لیمەندۆزی

چۆنیەتی ئامادەکردنی:

1. لە قاپێكدا ئارد، شەکر، خومرە، نیشاستە، ڤانیلا و خوێ تێکەڵ بکە.
2. پاشان ئاوەکەی وردە وردە تێبکە و تێکیبدە بۆ ماوەی 10 خولەک، تا بە باش ئاوێتە دەبێت و هەویرێکی توندی لێدەردەچێت.
3. هەویرەکە بە پارچەیەک قوماش داپۆشە و لە شوێنێکی گەرم دایبنێ بۆ ماوەی 30 خولەک.
4. پاشان بەدەست هەڵیبشێلە بۆ ماوەی 5 خولەک، دواتر بۆ ماوەی 15 خولەک وازی لێبهێنەرەوە.
5. تاوەیەک بهێنە و زەیتەکەی بخەرە سەر بۆ ئەوەی گەرم بێت، پاشان خڕ خڕ سوری بکەرەوە هەویرەکە.
6. دواتر دەتوانیت پێشکەشی بکەیت، دەکرێت شیلەی پێوە بکەیت یاخود نا بەپێی خواست.