شاورمەی گۆشت

 

پێداویستیەکان:

• کیلۆیەک گۆشتی مانگا
• چوار دەنک سیر
• ¼ کوپێک زەیتی زەیتون
• ¼ کوپێک سرکە
• کەوچکێکی گەورە بەهاراتی تێکەڵ
• کەوچکێکی گەورە کەرەوز
• ¼ کەوچکێکی بچوک ئاڵەت
• نیو کەوچکی بچوک زەردەچەوە
• کەوچکێکی بچوک دارچینی
• خوێی بەپێی خواست و ئارەزوو
• یەک تەماتە، یەک بیبەری سەوز، یەک پیاز
• چوار کەوچک ترش
• کوپێک مەعدەنوس
• کوپێک خەیاری خۆشکراو "خەیار چەمەر"
• نان ساج

ئامادەکردنی:

1. گۆشتەکە لەت لەت بکە و خاوێنی بکەرەوە و دایبنێ.
2. پاشان لە دەفرێکدا سیر و زەیت و سرکە و بەهارات و کەرەوز و ئاڵەتی و خوێ و زەردەچەوە و دارچینی تێکەڵ بکە، ئینجا لەگەڵ گۆشتەکە تێکەڵی بکە، بیخەرە ساردکەرەوە بۆ رۆژی دواتر.
3. لە تاوەیەکی بچوکدا زەیتی تێبکە، گۆشتەکە سور بکەرەوە، کە وشک بوویەوە و ئاوێتەکەی هەڵمژی، کوپێک ئاو بکە بەسەریدا و وازی لێبهێنە تا تەواو نەرم دەبێتەوە و هەڵیدەمژێت، دواتر تەماتە و بیبەرەکەی بکەرەسەر.
4. دەتوانیت بە تەنیا لەسەر قاپێک پێشکەشی بکەیت، یان نانەکە بهێنە و شاورمە و تەماتە و بیبەرە سورەوەکراوەکەی بکەرە سەر، ئینجا پیاز و ترش و مەعدەنوسی بکە بەسەردا و پێشکەشی بکە.